காதல்

மனதில்

உள்ள

காதலை

சொல்லாமல்

தவிக்கிறேன்

கருவை

சுமப்பதற்கு

சமமாய்

தேர்வு

எழுதினால்

தோற்றுப்

போய்

விடுவோமோ

என்ற

அச்சத்தைப்

போல்

எத்தனை

நாட்கள்

கருவை

சுமப்பேன்

பிரசவித்து

தானே

ஆக

வேண்டும்

வெற்றி

தோல்வியைத்

தாண்டி

காதல்

வழி

நடத்துகிறது

காதலை

உணர்கின்ற

தருணமும்

காதலோடு

வாழ்கிற

தருணமும்

அற்புதமானது

தூது

விடுகிறேன்

நவீன

யுகத்தில்

பாதுகாப்பாய்

ஏற்பாய்

என்ற

எதிர்பார்ப்புடன்

எதிர்ப்பாயா??

எதிர்கொள்வாயா????

 

 (வளரி  இதழில் பிப்ரவரி  2012  இல் வெளிவந்தது )                

   

    

              

 

ஓவியம்

அன்பு

என்ற

ஓவியம்

அழகானது

ஒரு

முறை

கை

தவறி

அதன்

மீது

கறை

படிந்துவிட்டால்

கை

தேர்ந்த

ஓவியராக

இருந்தால்

மட்டுமே

சரி

செய்ய

முடியும்

        

         

 

சவுக்கு

சிலுவையை

சுமந்து

பயணித்த

போதும்

ஆணியால்

அறைய

பட்ட

போதும்

வலியை

பொறுத்துக்

கொண்ட

நீ

அவன்

வார்த்தை

சவுக்கின்

சுழற்றலை

தாங்கும்

சக்தியை

எனக்கு

பரிசளிப்பாயா????

 

    

   

 

     

 

நடிகை

தாய்
இறந்த
செய்தி
அறிந்தும்
அழ
முடியாமல்
பிணமாக
படுத்திருந்தால்
துணை
நடிகை  
       

சட்டம்

இனிக்க

இனிக்க

பேசி

இன்பமாய்

கழித்த

பொழுதுகளில்

வாக்குறுதிகளுக்கு

பஞ்சமில்லை

உன்னிடம்

இன்று

பேசுவதற்கே

தடா

சட்டம்

போட்டுவிட்டதோ

உன் 

நாக்கு

  

  

     

  

     

 

கீழும் மேலும்

 கீழும்
மேலுமாய்
மேலும்
கீழுமாய்
திரும்ப
திரும்ப
படித்தும்
புலப்படவில்லை
மேகங்களுக்குள்
மறைந்து
வெளிவரும்
நிலவை
போல்
நீ
எழுதிய
கவிதையும் 

          

மூன்றாம்பிறை

மூன்றாம்பிறை
முழுமதி
பட்டாம்பூச்சி
அனைத்துடனும்
ஒருமைப்படுத்தி
வெளிப்படுத்துகிறாய்
உன்
காதலை
தேய்பிறையாய்
தேய்ந்து
கொண்டிருக்கும்
அவளிடம் 
         

தரம்

வீணை
மீட்ட
ஆசைப்பட்டேன்
ஸ்ருதி
சேரவில்லை
நடனம்
ஆட
நினைதேன்
பதம்
வரவில்லை
பாட
பழகி
பக்குவம்
அடையவில்லை
அழகாய்
வாழ
வழி                              
தேடினேன்
தரமாய்
கிடைத்தாய்
நீ
                 
    

வரம்

மலடி
என்ற
பழிக்கு
குழந்தை
வரமில்லை
கேட்காமல்
கிடைக்கிறது
குப்பையில்
வீசும்
தாய்க்கு

    
     

 

சுனாமி

உன்னிடம்
சரண்
அடைந்திருக்கும்
மீன்களை
கொல்வதால்
நர
மாமிசம்
உண்ண
ஆசைப்பட்டது
தான்
சுனாமியோ????
   
      

விட்டில்பூச்சி

விளக்கை
தேடி
போகிறது
சேய்
விட்டில்பூச்சி
அது
அறியவில்லை
கீழே
கிடக்கும்
சாம்பல்
தன்
தாயுடையது
என்று
  
         

ஏழாவது அறிவு

என்னுள்
கிளர்ந்தெழும்
எண்ணங்கள்
யாவும்
புதைந்தபடி
திறவுக்கோலாய்
செயல்பட
நினைக்கிறது
ஏழாவது
அறிவு.       

தழும்பு

உன்னால்
ஏற்பட்ட
ரணங்கள்
மாறிப்
போனது
தழும்பாக
மருந்திட
இப்போது
வருகிறாய்
கண்கெட்ட
பிறகு
சூரிய
நமஸ்காரம்
செய்வது
போல்.     
        


 

பிரதிபலிப்பு

யாரோ
எழுதிய
கவிதைகளில்
என்
மன
பிரதிபலிப்பு
யோசித்து
பார்கின்றேன்
இது
நான்
நேற்று
மனதிற்குள்
பேசி
பார்த்த
வார்த்தைகள்
அல்லவா ??   


          

கவிழ்ப்பு

 உன்
 முன்
 தலை
 நிமிர்த்தி
 நான்
 பேச
 வரும்
 பொழுதெல்லாம்
  நீ
 ஏன்
 அடிக்கடி
 தலை
 கவிழ்கிறாய்
 ஒலிவாங்கியே     
    

பெரிசு

தோளிலும்
மார்பிலும்
தூக்கி
சுமந்த
தந்தை
இன்று
பெயர்
எடுக்கிறார்
மகனிடம்
அந்த
பெரிசு
என்று        

ஊன்றுகோல்

தசைகள்
தளர்ந்தாலும்
மூன்றாம்
காலாக
ஊன்றுகோலையும்
முதல்
கையாக
தன்னம்பிக்கையுடனும்
இன்றைய
மூத்த
குடிமகன்கள்        

சம்சாரி

இளங்கலை
கடந்து
முதுகலை
முடிப்போம்
முடிந்துவிட்டது
அத்தனை 
கலைகளும்
இங்கே
வந்துவிட்டது
முதுமையும்
இன்று
வரை
கிடைக்கவேயில்லை
சம்சாரி
பட்டம்             
 

நகரத்து மனைவி

கண்டாங்கி
சேலைக்
கட்டி
படிய
படிந்த
தலை
வாரலுடன்
 நெற்றியில்
எடுப்பாய்
குங்கும
போட்டிட்டு
மூக்குத்தி
மின்ன
டோலாக்கு
ஆட
கொலுசு
சத்தம்
இனிமையாய்
காதில்
ஒலிக்க
கிராமிய
பாடல்
பாடிக்
கொண்டு
அத்தான்
என்று
அழைத்தவளை
ஏறெடுத்து
பார்க்கையிலே
டியர்
பெட்
காபி
என்று
கையில்
ஆங்கில
செய்தித்
தாளுடன்
இரவு
உடையில்
கனவை
கலைத்து
நின்றால்
நகரத்து
மனைவி
                    
             
 
     

 

இனவெறி

காக்கையும்
கழுகும்
ஒரே
கூட்டில்
இனவெறியில்லாமல்
தொலைக்காட்சி
கருத்துப்
படத்தில்
மட்டும்

புதைப்பு

மனதில்
எழும்பியது
ஆசை
குழித் 
தோண்டி
புதைக்கின்றேன்
பின்
தொடர்கிறது
நிறைவேறா
ஆசைகள்

கரை

நீயோ
அக்கரையில்
வாசம்
நானோ
அககறையில்
உன்
வசம்
எக்கரையிலும்
கேட்கவில்லை
உன்
குரல்
இக்கரையில்
மௌன
மொழி
பேசுகிறேன்
எக்குறை
கண்டாயோ
என்னிடம்
ஏதும்
அறியாமல்
உறைந்து
போய்
நிற்கின்றேன்

துடைப்பான்

கரும்பலகையாய்
உன்
மனம்
துடைப்பானாய்
நான்
உருமாறினேன்
நிறம்
மாற
மறுக்கும்
ஜட
பொருளாய்
நீ

ஆட்டம்

நிஜ
கால்களுடன்
ஆடுகிறான்
பொய்க்கால்
குதிரை
ஆட்டத்தில்
கலைஞன்

  

உருவம்

உன்னை
நினைக்க
வேண்டாம்
என்று
நினைக்க
நினைக்க
உன்
உருவ
ஒற்றுமையுடன்
எதிரில்
கடந்து
போகும்  
உருவத்தால்
மீண்டும்
நினைக்க
வைக்கிறது
உன்
அன்பை.

காந்தியம்

பண்டிகைக்
காலங்களில்
மட்டுமே
நீயும்
கதரும்
நினைவுக்கு
வருகிறீர்கள்
நீ
மேல்
சட்டையை
ஏழைகளின்
நிலை
கண்டு
துறந்தாய்
இன்று
மேலாடைகள்
விளம்பரங்களுக்காகவும்
கவர்ச்சி
அணிவகுப்புக்காகவும்
களையப்படுகின்றன
கொலையும்
கொள்ளையும்
தலை
விரித்தாடுகின்றன
காந்தியம்
பேசிய
உதடுகள்
இன்றைக்கு
கோட்சேயிசம்
பேசுகின்றன
(வார்ப்பு.வலைதளத்தில் 2011 இல் வெளியானது)


.

ஊடல்

கலிங்கத்துபரணியாய்
ஆரம்பிக்கும்
நம்
ஊடலில்
இறுதியில்
ஜெயிப்பது
இருவருமே

மெத்தனம்

உன்
வரவால்
வலையிலிருந்து
தப்பிய
மீன்கள்
போல்
என்
விழிகள்
உயிர்
பெற்றன
கால்கள்
மான்களாயின
இதயம்
இரங்கராட்டினமாய்
அத்தனை
மாற்றங்களும்
வேகமாய்
நீயோ
எனக்குள்
ஆமையாய்!!!!

முத்தம்

சாலையோரம்
கைப்பிடித்து
பதித்த
முதல்
முத்தம்
திரையரங்கு
இருட்டில்
அவசரமாய்
தித்தித்த
முத்தம்
மாடிப்படிகளில்
மறைந்து
மலர்ந்த
முத்தம்
அறையில்
அத்து மீறி
ஆசையில்
அளித்த
முத்தம்
குறுஞ்செய்திகள்
வாயிலாய்
கைப்பேசியில்
கொடுத்த
கணக்கில்லா
முத்தங்கள்
நினைவில்லையா?
முத்தங்கள்
மொத்தமும்
மௌனமாய்
போனது
ஏனோ?
இதழ்கள்
பாலைவனமானது
முத்தங்கள்
கானல்
நீரானது
என்
அன்பே !!!!!!
   

இதயம்

கரையானாய்
அரிக்கிறது
இலவம்பஞ்சாய்
 வெடிக்கிறது
காணாமல்
போன
இதயங்களின்
சங்கமம்.

அத்தான்

சிறு
வயதில்
என்னை
சுற்றி
சுற்றி
வந்து
ஞாபக
சக்தி
அதிகரிக்க
நீ
கொடுத்த
வல்லாரை
கீரை
வருடங்கள்
பல
கடந்த
பின்னும்
ஞாபகமாய்
உன்னை
அழைக்க
வைக்கிறது
அத்தான்
என்று

வாழ்வு

மழை
வந்தும்
நனையவில்லை
வெயில்
பட்டும்
சுடவில்லை
வசதியான
வாழ்வு
எனக்கு
கருவறையில்

மதியூகி

மன
தாழ்
திறப்பாய்
என்று
மனதால்
மருகிய
என்னை
மண
தாள்
கொடுத்து
மதி
கெட
செய்து
மதி
யூகியாய்
மணவறையில்
நீ.

வைரஸ்

புதிய
அணுகுமுறை
முகநூல்
வழி
தூது
பற்றி
கொண்டது
காதல் வைரஸ்
     

நாம்

உன்னில்
நானும்
என்னுள்
நீயும்
ஒன்றிருக்கிறோம்
நாம்
 என்ற
தன்னம்பிக்கை
உணர்வுடன்
காதலில்
     

   

மொட்டுகள்

மொட்டுகளாய்

பரப்பப்பட்டிருந்த

ரோஜா

மலர்கள்

மலர்ந்து

விரிந்தன

விற்கும்

சிறுமியின்

முக

மலர்ச்சியை

பார்த்த

கணத்தில்

எதிர்பார்ப்பு

உன்

வருகையை

எதிர்பார்த்து

நான்

நின்ற

தருணங்களின்

வலியை

மௌன

குமுறலாய்

பறைசாற்றும்

என் 

வீட்டு

வாயிற்கதவு

குமுறல்

வண்ண வண்ண.

ரோஜாக்களை

கொடுப்பதிலும்

இதய சின்னத்தை

கழுத்தில்

தொங்க விடுவதிலும்

திரை அரங்கில்

பாப்கார்னையும்

பப்சையும்

கொறிப்பதிலும்

இரு சக்கர வாகனத்தில்

கட்டுப்பாடின்றி

சுற்றுவதிலுமே

.தெரிகிறது

நவீன காதல்.

 

புலம்பல்

புலம்பலை

கேட்டு

கேட்டு

அலுத்துப்

போன

காதுகளுக்கு

ஒலித்தது

கீரவானியாய்

குழந்தையின்

அப்பா

என்ற

அழைப்பு

எண்ணிக்கை

ஆருயிரே

என்று 

நீ

அழைத்த

பொழுது

எண்ணிக்கையாய்

நினைத்து

எள்ளி

நகையாடிய

என்னை

இன்று

ஈருயிரை

ஓருயிராக்கி

இல்லற

சாகரத்தில்

நீந்த

செய்கிறாய்

சாபம்

அகலிகைகளும்

மன்மதன்களும்

பெருகி

போனார்கள்

கலியுகத்தில்

கல்லாய்

சபிக்க

கௌதமர்கள்

குறைந்து

போனதால்

மறப்போம் மன்னிப்போம்

உயிரோடும்

உணர்வோடும்

போராடிய

போது

தலைக்காட்டவில்லை

உறவுகள்

உயிர்

பிரிந்த

பின் 

வந்து

பலா

பிசினாய்

ஒட்டிக்கொள்கிறார்கள்

சொத்திற்கும்

சுகத்திற்கும்

இயேசுவின்

வார்த்தைகள்படி

மறப்போம்

மன்னிப்போம்

என்று

செய்தவைகளை

எல்லாம்

மறந்து

தவிர்த்தல்

கைகள்

தவிர்த்து

கால்களால்

காதல்

கோலம்

போடுகிறேன்

உன்

முகம்

பார்த்த

பொழுதில்

காதல் அலை

கடற்கரையில் 

அமர்ந்து 

இருக்கையில்

நம் 

காதல்

அலையின்

அமைதியை

காணப்

பொறுக்காத

கடல்

அலை

பொங்கி

எழ

மறுக்கிறது

தன

சுயம் 

மறந்து

ஒற்றை புள்ளி

ஒற்றை

புள்ளியாக

இறுதியில்

இருந்த

என்னை

பல

புள்ளிகளுடன்

இணைத்து

வண்ண 

கோலமாக்கி

பார்த்து

வியக்க

நீ

அருகே

இல்லாமல்

பரிதவிக்குது

என்

மனம்

சிறகு

முளைத்தும்

பறக்க

முடியாத

வலிமையற்ற

பறவை

போல்

இடைவெளி

என்னில் நிறைந்து 

இருக்கிறாய் நீ.....

உன்னில் குறைந்து 

நான் போன 

காரணம் 

அன்பின்

இடைவெளியா ?

தொலைதூரத்தின் 

இடைவெளியா??????