ஒரு புறம்

    

  அணு உலைகளும்

  ஆக்கிரமிப்பு நிலங்களும்

   இதிகாசம் போல் 

   பதிவாகி போயின 

   ஒரு புறம் 

   பலன் ஏதும் 

   கிடைக்காமல் 

   பரிதவிக்கும்

   மக்கள் கூட்டம் 

   பதறிக்கொண்டு 

   ஒரு புறம் 

   செவ்வானத்தையும் 

   வான் நிலவையும்

   வர்ணிக்கும்

   வர்கத்தினர் 

   ஒரு புறம்

  

   பதவிக்கும்

   பகட்டுக்கும்

   அடிமைகளாய்

   சிலர் 

   ஒரு புறம் 

   வருடந்தோறும் 

   சுனாமியை 

   வருட 

   இறுதியில்

   நினைவு 

   கூறுவர்

   ஒரு புறம்

  அன்னையர் தினம்

  மகளிர் தினம்

  தந்தையர் தினம்

  கொடி தினம் 

  என 

  தினங்களை

  ஞாபகமூட்டுவர் 

  ஒரு புறம் 

 

  பருவத்தையும்

  பருவமங்கையரையும்

  இரசிக்கும்

  காளையர்கள்

  ஒரு புறம்

   முதுமையில்

   இளமையை

   கழித்த

   விதத்தை

   பகிர்வோர் 

   ஒரு புறம்

 

    வானொலி

    தொலைக்காட்சி

    பத்திரிக்கைகள்

    முன்னேற்றம்

     ஒரு புறம்

 

     முற்போக்குவாதிகளும்

      ஆன்மிகவாதிகளும்

      மரவட்டைகளாய் 

      ஒரு புறம்

     மருத்துவமும்

     விஞ்ஞானமும்

     பெருகியும்

     பிணியும்

     பற்றாக்குறையும்

     ஒரு புறம்

     

     சட்டங்களும்

     திட்டங்களும்

     ஆட்சியாளருக்கேற்ப

     மாறும்

     அலங்கோலம்

     ஒரு புறம்

     இத்தனை

     புறங்களும்

     ஒருங்கிணைந்திருக்க 

     என்றுமே 

     மாறாமல்

     லப் டப்

     ஓசையுடன்

     இதயம் 

     மட்டும்

     இட புறம்

     மட்டுமே.

    

 

கடவுள்

                                                           முழு முதற் கடவுள்
                                                           முகம் மறைத்தார்
                                                           மூன்றிலும்
                                                           பிரணவ
                                                           மந்திரத்திலும்
                                                           கேள்விக்குறியாய்
                                                           சூரிய
                                                           சந்திரனுடன்  

பாரதி நீ மீண்டும் பிறந்து வந்தால்

இங்கே எல்லாமே
தலைகீழ்விகிதங்களாய்
சிதைந்து கிடக்கிறது
பாரதி!
உன்னை முழுமையாய்ப்
புரட்டிப் பார்க்காமலேயே
நாங்கள்
பைந்தமிழ்க் கவிதைகளைப்
பரப்பிக் கொண்டிருக்கிறோம்
வாசித்தவற்றை சுவாசித்தே
மறுபதிப்புச் செய்கிறோம்

அச்சமில்லை அச்சமில்லை என்றாய்
இங்கே
அச்சப்படாமல் வாழ முடியாது பாரதி....
 அரசியல்வாதி தொடங்கி
ஆன்மிகவாதிவரை எங்களை
அச்சுறுத்தியே தங்களை
உயர்த்திக்  கொள்கிறார்கள்.
அச்சப்பட்டு அச்சப்பட்டே
நாங்கள் இப்போது
அடிமைகளாய் மாறிப்போனோம்.

மோதி மிதித்துவிடு பாப்பா என்றாய்
பாப்பாக்களை
புத்தகச்சுமையும் வீட்டுப் பாடங்களும்
 மோதித் தள்ளிவிடுகின்றன!!
 பாப்பாக்களோடு சேர்ந்து
மெட்ரிக் பள்ளிகளின்
கல்விக்கட்டணங்கள்  எங்களை
கசக்கிப் பிழிகின்றன.


எங்களுக்கும்
ஆசை அதிகம் பாரதி....
நீ பாப்பப் பாட்டு
குயில் பாட்டு பாடினாய்...
நாங்கள்
மம்மி பாட்டிலும் டாடி பாட்டிலும்
சுகம் காண்கிறோம்.

சாதிகள் இல்லையென்றாய்  நீ...
சாதியில்லை என்றால் இங்கே
சலுகைகள் கிடைக்காது பாரதி!!!

ஜாலியன் வாலாபாக் படுகொலைக்காக
நீ சினங்கொண்டு சீரினாய்.
ஆனால் நாங்களோ
ஈழப்படுகொலைகளையும்
போபால் மரணங்களையும்
வேடிக்கை பார்த்துக்கொண்டிருக்கிறோம்.


பத்துப் பன்னிரெண்டு
தென்னை மரங்களும்
ஒரு பத்தினிப் பெண்ணும்
 கேட்டவன் நீ !!!!!!
இங்கோ,
பத்துப் பன்னிரெண்டு
பண்ணை வீடுகளும்
வீட்டுக்கொரு மனைவியும், துணைவியும்
பத்தினிகளாக
வலம் வந்துக் கொண்டிருக்கிறார்கள்!!!!!!


நிமிர்ந்த நடையும்
நேர் கொண்ட பார்வையும்
நானிலத்தில் பெண்களுக்கு
வேண்டும் என்றாய்...
இன்றையப் பெண்களிடம்
இரண்டுமே நிறைய இருக்கின்றன
ஆனால்,
சீரழிவை நோக்கியல்லவா
சென்றுக் கொண்டிருக்கின்றன!!!!!


சிங்களத்தீவினுக்கோர் பாலம்
அமைப்போம் என்றாய்...
நாங்களும்
தமிழர்களைக் கொன்று குவித்து
சிங்களவனோடு உறவுப்பாலம்
அமைக்கிறோம்!!!!!


நீ மீண்டும் பிறந்து வந்தால்,
உன்னைப் பைத்தியம் என்று
பட்டம் சூட்டி
உன் நெம்புகோல் கவிதைகளை
முறித்துப்போட
அரசியல்வாதிகளும் ஆன்மிகவாதிகளும்
அணி திரண்டு விடுவார்கள்!!!!!
 வேண்டுமானால்
அவர்களைத்  துதிபாடி  நீ
சில விருதுகளைப் பெறலாம்!
திரைப்பட இசைக்கும்
நடிகைகளின் அசைவுக்கும்
பாட்டெழுதி
நீ திரவியம் தேடலாம் பாரதி!!!!!!!!

(சென்ற வருட பாரதியார் நினைவு நாளில் (2010 ) பரிசு கிடைத்தது )
வளரி மற்றும் தமிழ் தென்றல் குழுமம்  ஆகியவற்றில் வலம் வந்தது,
நன்றி. திரு.அருணா சுந்தரராசன் ,      திரு.கிரிஜாமணாளன்.


 
  
 
   .
  


 
 
 
  



 
   
     








 
  

  


  









 






    
  
 
  



  
  

  
  
 
 
  
 
       
 

திருஷ்டி

திருஷ்டி
சுற்றி
 போட்டார்கள்
எலுமிச்சை
பழத்தில்
அதற்கும்
திருஷ்டி
பட்டது
வாகனங்கள்
அதன்
மேல்    
அழுத்தி
சென்றதால்
 

 
   

கர்வம்

தலையில்
சுமந்து
ஆடினான்
கீழே
விழுந்து
நொறுங்கியது
கரகத்துடன்
சேர்ந்து
கர்வமும்
       

பொட்டு

முகம்
பார்க்கும்
கண்ணாடியும்
குளியலறை   
கதவும்
பால்மாறின
பெண்கள்
ஓட்ட
வைக்கும்
ஒட்டு
பொட்டிலும்
மஞ்சள்
பூச்சு
குளியலிலும்
தங்கள்
இயல்பை
மறந்து
  

           

பட்டாம்பூச்சி

பட்டாம்பூச்சி
ஒன்று
மாட்டிக்
கொண்டது
என்
எட்டுக்கு
எட்டு
அறையில்
சிறகடித்து
படபடக்கிறது
ஜன்னல்
கண்ணாடியிலும்
விளக்கிலும்
கணினியின்
மேலும்
உன்
நினைவுகளில்
சிக்கி
தவிக்கும்
என்
உள்ளம்
போல.    
          

இம்சை

தோல்
உரித்து
காட்டப்படுகிறது
இம்சையின்
அடையாளம்
ஆடுகளிலும்
கோழிகளிலும்
கசாப்பு
கடைகளில்

வேறென்ன விசேஷம்

அலைபேசியில்
பகிர்ந்து
கொண்டிருக்கிறோம்
உள்வாங்கிய
என்
அன்பை
உண்மையாக
வெளிப்படுத்த
முடியாமல்
தொண்டைக்குழியில்
நிறுத்திக்
கொண்டு
பொய்யாக
தொடர்கிறாய்
வேறென்ன
விசேஷமென்று
27.11.11 கல்கியில் வெளியானது

பாரதிசொல்மறந்து

 நிமிர்ந்து
நடக்க
ஆசைப்பட்டும்
முடியவில்லை
மனிதர்கள்
உமிழ்ந்து
விட்டு
போகும்
எச்சில்களும்
மிருகங்களின்
கழிவுகளினாலும்
தலைக்குனிந்தே
நடக்கிறேன்
நான்
பாரதி
சொல்
மறந்து
     

   
       
 

சரணாலயம்

வயிற்று
பசிக்காக
உடலை
விருந்தாக்கி
 பகலில்
வாழ
இரவை
விற்று
தந்தையால்
காதலனால்
தள்ளப்பட்டு
விலைமகள்
பெயருடன்
வாழும்
அபாக்யவதிகளின்
சரணாலயம்
விபச்சார விடுதி
               

காத்திருப்பு

 ஐப்பசி
 வரை
 காத்திரு
 எந்த
 வருடத்தில்
 சொல்லவில்லையே
 காத்துக்
 கொண்டுதான்
 இருக்கிறேன்
 கிடைக்கவில்லையே
  தேடல்கள்
  தொடரும்
  காத்திருப்பின்
  கண்ணியம்-
  களங்கப்படாமல்.  
   
      

   

 



 

ஆலாபனை

பூபாளமும்
நீலாம்பரியும்
தினமும்
பாடிக்
கொண்டுதான்
இருக்கிறோம்
முகாரி
இருவருக்குள்ளும்
ஒலித்துக்
 கொண்டிருப்பதை
மறந்து. 
 
 
        

நினைவு

    குதிரையின்
    குளம்பு
    ஒலியென
     என்னுள்
     உன்
     நினைவுகள்
     அசை
     போட்டு
     பொதி
     சுமக்கும்
     காளையாக
     நீ.
   
  

    

கோபம்

   நினைத்தேன்
   உன்னை
   மழையெனப்
   பொழிந்தாய்
   அன்பை
   ஆயினும்
   வறண்ட
    நிலமாய்
     நான்
     உன்னில்
     கிளர்ந்தெழும்
      கடுங்கோபாம்
     என்னில்
     உன்னை
     நீர்த்துப்
     போக
      செய்திடுமோ?
  
       
 

தீபம்

    விழி   
    தீபமாயிருந்து
    ஒளி 
     தந்துக்
     கொண்டிருக்கிறாய்
     நீ.
     மூழ்கி
     கிடந்த
     இருட்டின்
      பிடியிலிருந்து
      வெளிப்படுகிறேன்
       நான்.
         
     
  

விடுதலை

 விளக்கில்
 அடைப்பட்ட
 பூதமாய்
 பெண்
 சுதந்திரம்
 விடுதலை
 செய்ய
  எந்த
 அலாவுதீன்??????     

ஜனனம்

   ஜனித்தது
   கவிதைப்
   பூக்கள்
   வலியில்லாமல் 
   புத்தகமெனும்
   தோட்டத்தில்

   

சாம்பல்

தடித்த
உன்
வார்த்தைகளால்
எரிந்து
போய்
விட்டேன்
மீண்டும்
எரிக்க
முடியாது
சாம்பலாகி
போன
என்னை!!!!!!!
           

மனோபலம்

   ராணியாக
   மனோபலத்துடன்
   போராடுகிறேன்
   ராஜா
   வீழ்ந்த
   பின்னும்
   இதர
    சேனைகளுடன்
    சதுரங்க
    விளையாட்டில்
     மட்டுமல்ல

         
 
  

முழுமை

  தூரிகையின்றி
  வரைந்தோம்
  நம்
  கண்களால்
  முழுமை
  அடைந்தது
  காதல்
  ஓவியம்
 
   

   
 

எறும்பு

 வரிசை
 கலையாமல்
 நகர்கின்றன
 நியாய விலைக்
 கடையில்
 பணம்
 செலுத்தாமல்
 சர்க்கரையோடு
 எறும்புகள்
      

   
  
 

விருந்து

ஊதி
ஊதி
நெருப்பாய்
பற்றிக்
கொண்டது
நம்
அன்பெனும்
அடுப்பு
நல்ல
நளபாகமாக
இருக்கும்
அந்த
நள தமயந்தி
விருந்து
 

  
 
       

 

புரிதல்

 எங்கள்
 வீட்டு
 குழாய்க்கும்
  என்
  கண்களுக்கும்
  ஒரு
   புரிதல்
   நீர்
   வரும்
   காலம்
   தெரியாது
      

பட்டியல்

    எல்லாவற்றையும்
    பட்டியலிட்டு
    பிடிக்குமா
    என்று
    கேட்கிறாய்
    மறைமுகமாய்  
     நீ
    பைத்தியம்
    தவிர
    அனைத்தும்
    பிடிக்கும்
    என்கிறேன்
    நான் 

  
    
    
    

அளவு

  என்
  அன்பை
  அளவிட
  வண்ணங்களை
  அனுப்பி
  பிடித்ததை
   அவசியமாய்
   சொல்ல
   சொல்கிறாய்
   நான்
   சொல்லும்
   வண்ணத்தில்
   என்
   அன்பின்
   சதவிகிதம்
   குறைந்தால்
   தாங்குவாயா
   நீ ?   
 
 
       
      


 

அபாயம்

   சிகப்பு
   நிறம்
   அபாயத்திற்கும்
   தொடராமல்
    இருப்பதற்கும்
    ஏன்
    நீ
    அறியாமல்
    பின்
    தொடர்கிறாய்
    நிறம்
    மறந்து

    
 

தூக்கம்

  என்

  மனம்

 அறியாமல்

 தூங்கிக்

 கொண்டிருக்கிறாய்

 உன்

 தூக்கம்

 கலையாமல்

 இருக்க

 அமைதியாய்

  திரும்பி

  படுக்கிறேன்

  நீ

 விரும்புவது

 அழகையா

 அறிவையா

 அன்பையா

 எனத்

 தெரியாமல்

 நான்

 விழித்திருக்க

 விழித்திருப்பது

 அறியாமல்

 அலைபேசியில்

 பேசிக்

 கொண்டிருக்கிறாய்

 அன்புக்கு

 நான்

 அடிமை

 என்று

                   

      

மாற்றம்

   உன்

   மௌனம்

   என் 

   மரணம்

   பிடிக்கவில்லை

   என்றாய்

   பிடித்துக்

   கொண்டாய்

   என்னை

   மரண

   தண்டனை

   கொடுத்து

   விடாதே

  ஆயுள்

  கைதியாய்

  ஆக்கிவிடு

   உன்

   மனம்

  என் 

  மரணத்தில்

  கூட

  மாறாது

  என்பதால்

. 

    

              

ஜொலிப்பு

 முன்

 வந்த

 நாட்களில்

 பௌர்ணமியாய்

 ஜொலித்து

 கொண்டிருந்த

 என்னை

 பின் 

 வரும்

 நாட்களில்

 அமாவாசை

 இருட்டாக்கி

 நீ

 மட்டும்

 நட்சத்திரமாய்

 மின்னி

 கொண்டிருக்கிறாய்

 என்றும்

 வானில்

   

  

    

  

 

   

விடியல்

  இரவு

  என்றால்

 விடியல்

 உண்டு

 ஆனால்

  நீ

 முகவரில்லா

 ஊருக்கல்லவா

 விடை

 தேடுகிறாய்

 ஒரு

 தலைக்

 காதலில்.

     

       

சிற்பி

    சிற்பியாக

    உளி

    கொண்டு

    செதுக்கினாய்

    என்னை.

    பொறுமையுடன்

    வலி

    பொறுத்ததால்

    வணங்கும்

    தெய்வ

    சிலை

    ஆகி

    போனேன்

     நான்.

   

 

 

 

   

 

சொப்பு

 சொப்பு

 வைத்து

 சமைத்து

 பரிமாறும்

 அப்பா

 அம்மா

 விளையாட்டில்

 அம்மாவிடம்

 அடி

 வாங்கும்

 அப்பா

 இந்தக்கால

 குழந்தைகள்

            

 

 

 

ஆறுதல்

     உன் 

     நினைவுகளால்

    ஆறுதல்

    அடைகிறது 

     என் 

     கண்கள்

     உன்னை 

     தேடும்

     போது

      உன் 

     அன்பை

     தேடும்

     எனக்கு

     ஆறுதல்

      நம்

      காதல்

      மட்டுமே

   

    

கண்ணாடி

   உனக்கும்  எனக்குமான  அன்பை

   உனக்கும்  எனக்குமான   உரையாடலை

   உனக்கும்  எனக்குமான    நட்பை

   எப்படி வேண்டுமானாலும் எடுத்துக் கொள்ளட்டும்

   கைக் குலுக்குவதையும்

   கைக் கோர்பதையும்

   கருப்பு கண்ணாடி என்ன

   வெள்ளை கண்ணாடி போட்டாலும்

   ஏழு வண்ணங்களிலும்

   கற்பனை குதிரையை தட்டி விடட்டும்

   என்ன வேண்டுமானாலும்

   நினைத்து  விட்டுப்  போகட்டும்

   தோள் கொடுக்கும் தோழனாகவும்

   தோள் சாயும்   தோழியாகவும்

   நம் தோழமை மிளிரட்டும் !!!!!

 

        

    

 

 

 

 

  

 

அழைப்பு

  உன் 

 அழைப்புக்கு

 காத்திருக்கிறது

 கைப்பேசி

 என்னைப்

 போலவே

 குறுஞ்செய்தி

 மட்டும்

 என்று

 வரும்

 பதிலில்

 ஏமாற்றம்

 இருவருக்கும்

  பண்பலையிலும்

 ஒலித்தது

 ஏமாற

 சொன்னது

 நானா ?   

  

          

 

இரசிகர்கள்

   மயில்

  ஆடுவதையும்

  குயில்

  கூவுவதையும்

  இரசிக்காமல்

  மயிலுக்கும்

  குயிலுக்கும்

  இரசிகர்கள்

       

நீச்சல்

   நினைவுகளோடு

   நீந்திக்

  கொண்டிருக்கிறேன்

  அரைகுறை

  நீச்சலால்

  கரை

  சேர

 முடியாமல்

  தேடலில்

    

    

 

நாடி

 பிறந்த

 நாளிற்குப்

 பரிசு

 கைக்

 கடிகாரம்

 ஓ தோழா

 அதில்

 உன்

 நாடிப்

 பிடித்து

 பார்த்துக்

 கொண்டிருக்கிறேன்

 நான்.

 

     

      

எரிமலை

 தடுமாறும்

 அரசாங்கம்

 தடம்

 மாறும்

 தொடர்

 வண்டிகள்

 தடுக்கி

 விழும்

 ஆண்

 பெண்

 உறவுகள்

 வீணானது

 உயிர்

 வெடித்தது

 எரிமலையாய்

 இதயம்

               

 

காகிதப்பூ

 பூச்சூடிக்

 கொள்ள

 முடியாத

 பூவைக்கு

 அனைத்து

 பூக்களும்

 காகிதப்

 பூக்களே

   

 

 

 

தூக்கம்

  பேருந்தில்

  தூக்கம்

  பாழாய்

  போனது

  பளிச்

  புத்தாடை

  சகப்பயணி

  

    

முத்து

  மூழ்கினேன்

  நட்பெனும்

  ஆழ்கடலில்

  கிடைத்ததோ

  நண்பராய்

  நல்முத்து

  பத்திரமான

  பாதுகாப்பில்

 முத்தல்லவோ

  கரையாமல்

  இருக்க

  நம்

  நட்பும்

   

 

 

       

 

வேலை வாய்ப்பு

 கோடிகளில்

 தொழில்

 நுட்ப

 பூங்கா

 கடைக்

 கோடிக்கும்

 எட்டாத

 வேலை

 வாய்ப்பு

        

உழைப்பு

 உதைப்பட்டும்

 நகரவில்லை

 உழைத்து

 உருமாறிய

 உருவம்

 மனைவி

    

மாற்றம்

  மாற்றுத்

  திறனாளிகள்

  என்று

  மாற்றபட்டனர்

  மாற்றமில்லாத

  மனிதர்கள்

  மத்தியில்

   

  

 

  

புயல்

 காதல் 

 வெளியீடு

 அடித்தது

 புயல்

 பெற்றவர்கள்

 மனதில்

    

இரவுப்பூக்கள்

  கனவுகள்

  போல்

  காலை

  எழும் போது

  இல்லை

  வாழ்க்கை

  இரவுப் பூக்களுக்கு

 

 

     

திரிசங்கு

 கோலாகல

 தீபாவளி

அனைவர்

வீட்டிலும்

 மதக் கொள்கையில்லாத

 அப்பா

 வேற்று மதம்

 தழுவும்

 அம்மா

 பிள்ளைகள்

 நாங்கள்

 திரிசங்கு

 சொர்க்கமாய்

            

முனகல்

பல 

மொழிகள்

அறிந்திருந்தால்

மொழி

பற்றினால்

அல்ல

தொழிலுக்காக

வாய்

பேச

வாய்ப்பில்லா

தருணமதில்

தாய்மொழியே

முனகல்

தான்.           

பிரசவம்

 இந்த 

 முறையும்

 ஆணுக்கு

 பதிலாக

 ஒரு

 பெண்ணை

 பிரசவித்து

 குடும்பத்தில்

 அனைவரையும்

 மகிழ்ச்சியுற

 செய்தது

 அந்த 

 லக்ஷ்மி

 பசு.

           

கைநாட்டு

 இளமையில்

 கல்

 கல்லாமல்

 விட்டேன்

 கிடைத்தது

 கை

 மேல்

 பலன்

 கைநாட்டு

    

  

ஐந்தறிவு

ஊனத்தை

ஊழ்வினை

பயனாக்கி

குறைகளை

சாமி

குத்தமாக்கும்

மனிதர்களுக்கு

ஐந்தறிவு.

 

 

 

 

     

திருநங்கையர்

 பிறந்த

 போது

 ஆடவராய்

 வளர்ந்த

 போது

 பெண்மை

 கலந்து

 மங்கையராய்

 இன்று

 அம்மையப்பன்

 என்ற

 பெயருடன்

 கூடி

 மகிழ்கிறோம்

 திருநங்கையர்

 தினத்தில் .

           

  

சிலை

 செதுக்கப்பட்ட

 சிலையாய்

 நான்

 கல்லை

 தேடி

 நீ !

     

மணல் ஓவியம்

வரம்

வேண்டி

நின்றேன்

கிடைத்தது

மணலில்

வரைந்த

ஓவியமாய்

உன் 

காதல்.     

அன்பு மொழி

உன்

குரல்

கேட்காமல்

நாட்கள்

பல

வெறுமையாகின

இருந்தும்

ஒலித்த

வண்ணம்

இருக்கிறது

நாம்

பேசிய

அன்பு

மொழி.

             

அழகு

 விரிசல்

 விடாமல்

 இருக்கிறது

 என்

வீட்டிலுள்ள

ஆளுயுர

 கண்ணாடி

 என்று

 ஆச்சரியப்படாதே

 அது

 இரசிப்பது

 என்

 புற

 அழகையல்ல

 அக

 அழகை

 மட்டுமே.

   

 

     

 

    

யுத்தம்

 எங்கேயோ

 இருந்துக்

 கொண்டு

 என்னோடு

 யுத்தம்

 செய்துக்

 கொண்டிருக்கிறாய்

 நீ

 உன்

 அம்புகளை

 அன்போடு

 எதிர்க்கொண்டு

 ஜெயித்துக்

 கொண்டிருக்கிறேன்

  நான்.             

கணை

 அடுக்கடுக்காய்

 கேள்விக்

 கணை

 தொடுத்துக்

 கொண்டிருக்கிறாய்

 நீ

 கேள்விகளே

 கேட்டு

 பழக்கப்பட்டதால்

 பதில்

 சொல்ல

 முடியாமல்

 தடுமாறுகிறேன்

 நான்.

 

    

       

 

விரிசல்

விரிசல்

கண்டது

நம்

அன்பு

இருவரும்

சேர்ந்து

படித்த

போது

காதலாய்

தனியாக

ஆனவுடன்

ஒருவர்

மட்டும்

படிக்கும்

வேதமாய்.

              

உச்சவரம்பு

 கல்விக்கும்

 காதலுக்கும்

 ஒரு

 ஒற்றுமை

 வயதில்

 உச்ச 

 வரம்பில்லை

  

  

 

காயம்

 இதழை

கடித்துக்

கொண்ட 

போது

சொன்னார்கள்

யாரோ

திட்டுகிறார்கள்

என்று

யாருக்கு

தெரியும்

காயமானது

உன்னை

நினைத்ததால்

என்று .

           

அழுக்கு

 சுற்றுச்சூழல்

 பாதுக்காப்பு

  பற்றி

 பேச்சு

 மனதில்

 அழுக்குடன்.

   

 

முடிச்சு

   மூன்று

   முடிச்சிற்கு

   அர்த்தம் 

  அறியாமல்

   நீதிமன்றம்

   சென்றவர்கள்

   விளம்பரம் 

   தருகிறார்கள்

   அடுத்த 

   மூன்று  

    முடிச்சிற்கு.

   

 

போராட்டம்

பூவிற்கும்

புன்னகைக்கும்

ஒரு

போராட்டம்

யார்

முதலில்

இதழ்

விரிப்பதென்று.

       

 

விருப்பம்

மரணத்தில்

கூட

உன்

மடி

சாய

விரும்பவில்லை

என்

சுமைகளுடன்

நானும்

கனத்துவிடுவேன்

என்பதால்.

 

     

 

பனித்துளி

   நிலவையும்

   சூரியனையும்

   காதலிக்கிறது

   பனித்துளி

   இரண்டும்கெட்டான்

    காதல்.

     

உதயம்

   சூர்யோதயம்

   சந்திரோதயம்

   அழகாக

    காதல்

    மட்டும்

    அஸ்தமனமாய்.    

ஒதுக்கீடு

   அச்சிடப்பட்டிருந்தது

    இதர

    ஜாதிகள்

    என்று.

    பிற்படுத்தப்பட்டனர்,

    முதன்மையானவர்கள்

    ஜாதியின்

    அடிப்படையில்.     

  

 

நம்பிக்கை

  தசைகள் 

  தளர்ந்தாலும்

  மூன்றாம்

  காலாக

  ஊன்றுகோலையும்,

  முதல் 

  கையாக

  தன்னம்பிக்கையுடனும்

  இன்றைய

  மூத்த

  குடிமகன்கள்.

 

 

     

சுகமான சுமைகள்

  வௌவாலாய்

  துடிப்புடன் 

   பறக்கின்றேன்

   பழைய

   நினைவகளுடன்,

   தலை கீழாய்

   தொங்கியும்

   கிடைக்கவில்லை

   அந்த 

   சுகமான

   சுமைகள்.

   

 

   

 

 

 

அம்மா

            அம்மா 

            என்ற

           மூன்று 

           எழுத்துக்களை

           சொந்தமாக்கிக்   

           கொண்டது

           உயிர்

           என்ற

           சொல். 

அம்மா

  முதல் எழுத்தில்

  தொடங்கும் 

  அவள்
  முதன்மையாய் 

   என்றும்

   அனைவருக்கும்.